بمناسبة استشهاد الامام الحسن العسكري
( عليه السلام )
,,,,,,,,,,,,,,,,,,,,,,,,,,,,,,,,,
قصيدة / يبو محمد
...............
يبو محمد يحجّه انته وابوالعبره
حرب شنّت بني هارون عالعتره
...................
فَخَرْ لِسْلام هيبه انتو لِهَالامّه
تريد الگوم هالمذهب ضواه ظلمه
فتاوى اصدر عليه ظلام وتْحَرْمه
عهد متوكِّل ومأمون ما يجره
...................
عجب متعجّب الطاغي بعدد جنده
امام البِرّ والتقوى عجل ردّه
سمه وشاهِد تشوف جيوش متحشده
جواب الحجّه هذا عليك وِتْنِكره
...................
حقد شنِّ اعْلَه كِل مولود ويْقِتله
زَمانَ اصبح ظلم واحْقاد عالمِلّه
يَربِّ العزّه عالظالم تِرِد فعله
على الطاغوت صُبْ نارك عليه دمْره
...................
فُرَضْ احكام عالعسكر يطوقونه
امام الشيعه ابو المهدي تعرفونه
ابن لو صار عنده بساع تِخَبْرونه
اجه الموعود اَمْرِ الْباري رَدْ امره
...................
بگه يجاهد بَامِرْ ابنه يِظَل محفي
امير الجور من يدري فلا يعفي
بِلاه الكون يستنجي هو اليكفي
غضب جبّار عالكافر نزل جمره
...................
هِلَكْ سُلطان كل ظالم ولا رجعه
حُكُم مهدينه للعالم منو يْرِدعه
يبيد اعداه ما يبقه ظلم يسعه
نشوف الخير من حُكمه وْ يِعِم نصْره
...................
...................

خادم اهل البيت (ع )
سعيد الفتلاوي الطويرجاوي

وفقكم الله احبتي